Alltaf jafn dugleg að blogga... eða þannig!

Ákvað í gær að prófa að borða hafragraut á morgnanna. Ég er svolítið klígjugjörn og finnst hafragrautur svo slímugur að ég á frekar erfitt með að borða hann. Finnst hann nefnilega alveg bragðgóður. En þið sem borðið hafragraut, hvernig borðið þið hann? Bara þennan gamla góða með saltinu eða eruð þið með einhverjar svona fancy úgáfur? Mér finnst best að sjóða hann ekki of mikið, þannig að hann sé svolítið grófur og vill líka hafa hann vel saltan, sem er ekki svo hollt. Einhverjar uppástungur til að bæta hann?

Með hreyfinguna, þá ætla ég að byrja í Body pump aftur í vikunni. Var einu sinni alltaf í því og fannst mjög gaman. Finnst gaman að lyfta og leiðist í svona hopp, skopp, pallatímum þannig að þetta hentar mér mjög vel til að fá einhverja tilbreytingu:)
Ég ætla nú bara að taka þessu rólega núna, er endalaust búin að brenna mig á að ætla að taka þetta allt með trukki. Ætla bara að byrja svona 3x í viku að hreyfa mig og bæta svo frekar við.

Langar svona í lokin að koma með smá áskorun/beiðni til ykkar:)
Eruð þið til í að setja inn uppskrift eða lýsingu á svona uppáhalds hollustu réttinum ykkar, má vera í hvaða máltíð sem er. Er að sanka að mér einhverjum nýjum hugmyndum því ég er orðin svolítið föst í mataræðinu og hugmyndalaus;)

Ég get auðvitað bara byrjað. Ég er alveg sjúk í góð salöt en nenni alltof sjaldan að búa þau til hérna heima því enginn borðar þau nema ég.
En svona eitt af uppáhalds er c.a svona:

*Slatti af spínati, rucola eða öðru góðu, dökku salati.
*Vel þroskað mangó, c.a 1/4 eða eftir smekk, skorið í bita
*Fetaostur (ekki mikið og bara smá af olíunni)
*Furuhnetur 1/2 - 1 lúka
*Stórar kókosflögur, fæst í heilsubúðum eða heilsuhornum verslana
*Kjúklingabringa, steikt og skorin, krydduð eftir smekk
*Agúrka, paprika, rauðlaukur, tómatar eða hvaða grænmeti sem er, bara allt eftir smekk. Ég set oftast bara papriku og rauðlauk.
*Örlítið af góðu balsamediki dreypt yfir allt saman
*Spari Spari: vel steikt, magurt beikon;) En það er bara spari;)

Þetta er algjörlega uppáhalds salatið mitt og ég gæti alveg borðað það í öll mál!

Þar til næst...
Premium

Þar sem ég glími við allskonar 'vandamál' dags daglega þá ákvað ég að prófa að umbylta því hvernig ég borða og athuga hvort að ég sjái eða finni mun á mér.
Vandamálin eru psoriasis og almennt frekar leiðinleg húð og glanslaust hár, þunglyndi og magavesen.

Fyrstu vikuna ætla ég að prófa að sleppa hvítum sykri, aðra vikuna mjólkurvörum og þriðju vikuna bæði hvítum sykri og mjókurvörum til að sjá hvort og hvernig eitthvað breytist. Ég ætla líka að borða nákvæmlega það sama í 7 daga fyrstu vikuna (nema kvöldmat), á sirka bát sama tíma, til að athuga hvort eitthvað af þeim fæðutegundum sem ég ætla mér að borða þessa viku séu að fara illa í mig. Mjög meþódískt allt saman.

Matseðllinn sem ég setti saman er svona:
 
vika 1 - enginn hvitur sykur
morgunmatur kl 8-9 (jónsmessurunni hálftíma fyrr) : special K  og múslískál m lettmjolk
morgunkaffi kl 10: ávöxtur
hádegi kl 12 (jonsmessurunni kl 11:30): kjúklingasalat
kaffi kl 15: hrökkbrauð m kotasælu eða smurosti
kvöldmatur kl 18:30 (jonsmessurunni kl 18): protein. salat. ekki mikið af sósu eða brauði
kvöldkaffi (kl 21): ber, rúsínur oþh.

Ætla mér að drekka nánast eingöngu vatn þessa viku, fyrir utan kannski stöku glas af ávaxtasafa. Ég á líka heilsutvennu sem ég tek þegar ég man eftir ;) Og fjölvítamíntöflur þegar heilsutvennan klárast.

Þyngdartap er nákvæmlega 0% partur af þessari breytingu, aðalmálið er að líða betur líkamlega og þar af leiðandi andlega. Ákvað líka að prófa jónsmessurunna til að vinna á mildu þunglyndi, ekki alveg til í að fara út í serótónínlyf alveg strax, og hef heyrt góða hluti af þessu náttúrulyfi.
Húðin tekur vonandi kipp í jákvæðar áttir með aukinni vatnsdrykkju og skynsamlegra fæði. Glími við Psoriasis og hef gert í 7 ár, en aldrei orðið virkilega slæm og get alveg látið sjá mig berhandleggjaða og svona ;) Er verst í hársverðinum og þarf að nota sterkt steralyf til að vinna það niður, með misjöfnum árangri. Er ekki alveg til í að drekka mér í steralyfjum heldur, en þó eru ekki margar rannsóknir sem sýna tengsl á milli mataræðis og bata, en maður getur prófað!

Jæja, þá er fyrsti dagurinn upp runninn :)

Knús
Músin

Sælar.

Alltof langt síðan maður hefur bloggað!

Þrátt fyrir það er þó átakið í fullum gangi. EN... vigtin er leiðinleg við mig. Nú er ég búin að æfa af krafti þrisvar í viku seinustu fimm vikur og seinustu tvær vikur hef ég verið að bæta mataræðið. Þrátt fyrir það stóð ég í stað þangað til seinustu viku, þá bætti ég á mig hálfu kílói! Ég skil þetta ekki. Langar að hugsa um þetta sem vöðvabætingu, en er ekki viss um að það sé satt.

EN, ég ætla ekki að hugsa meira um þetta, bara halda áfram og gera betur þessa viku. Mig langar rosalega að losna við hálft til eitt kíló þessa viku, en í rauninni, miðað við fyrri vikur, þá væri nokkurra gramma missir betri en enginn!

Ég finn samt mun á mér. Ég er farin að sjá vöðva hér og þar og þolið hefur margfaldast á þessum fimm vikum!
Gat ekki hlaupið nema hálfa mínútu í senn fyrst, en nú get ég skokkað 3.2 kílómetra! Er ótrúlega stolt af því og væri örugglega búin að gefast upp ef ég sæi ekki árangurinn í öðru en tölunni á vigtinni.

Þannig að, baráttukveðjur,
mjá.

JÆJA..

ég fór í sveitina á föstudaginn með familíuna og steig þar á vigtina um kvöldið áður en ég fór að sofa.. ég var í gallabuxum, bol og sokkum og vigtin sagði samt 60.3 kg - ég reyndar kippti mér ekkert svakalega upp við þetta þar sem þetta er bara einhver drasl heimilisvigt og ég er vön að mæla mig í WC.
Um morguninn fór ég þangað aftur, fór út náttfötunum og vigtaði mig... 59.3!!!! WHAT?!?! - ég ætlaði ekki að gera mér of miklar vonir um að þetta væri rétt fyrr en ég færi í World Class næst...
Ég gat ekki beðið og fór núna í hádeginu og þá sagði vigtin þar 59,5!!! vííííí ég er ekkert smá ánægð! - ég er því búin að missa 2.7 kíló frá því 4 jan!!! :)
ég ætlaði að ná því að verða 59.2 kíló fyrir 5 apríl svo ég býst alveg við því að það takist... :) :) :)

ég ætla því að bæta við 1,6 kílóum hér í kílóahornið fyrir teljarann!! :)

kv. Thaleia

Já! stundum er þetta bara fokking erfitt!!!

eftir flotta hreyfingu í vikunni og frábæran mat þá leið mér mjög mjótt í morgun þegar ég steig á vigtina. 

 

ég æfði á hverjum degi og tók hörku æfingar! ég fann hvað líkaminn minn hafði mótast vel og mér leið bara vel! 

 

en vigtin ákvað að vera drulluleiðinleg og bæta við mig 0.5 kg!

þó maður sé duglegur að minna sig á að þetta getur alltaf gerst og að þetta þurfi alls ekki að vera fita (og er það líklega ekki), þá nær vigtin allt of oft að slá mann út af laginu. 

 

ef ég horfi á vikuna þá eru auðvitað einhverjir hlutir sem gætu verið að hafa áhrif. 

 

eitt af því er að ég er á túr, sem skýrir líklega töluna á vigtinni. reyndar hefur það ekki haft mikil áhrif á mig hingað til, en þessi mánuður var skrítinn því ég var á túr mjög lengi og með þvílíka verki allan tíman sem er óvenjulegt fyrir mig. 

 

eru þið að þyngjast eða standa í stað þegar þið eruð á túr?

 

annað er að ég gæti verið að drekka of lítið vatn. ég mætti líka velja betri mat í sumum máltíðum þó að hann hafi verið mjög góður í vikunni. þá meina ég t.d. sleppa fetaostinum með salatinu og slíkt. það gæti líka vantað meira prótein hjá mér. 

 

vikan var líka mjög löng og erfið og ég fékk lítinn svefn. 

 

en ég ætla ekki að vera að reyna að finna afsökun fyrir þessu, þetta bara er eins og þetta er. 


 

og ég græði ekkert á því að fara að væla og stinga hausnum ofaní doritos poka! 

 

nei!


þannig ég reyndi mitt besta í að hunsa þetta stál drasl á baðherbergisgólfinu sem getur stundum gert manni lífið svo leitt og ég strunsaði út beint upp á fjall í mega fjallgöngu

 

en næsta vika mun vera betri því þá ætla ég að bæta þá hluti sem mega betur fara.  

 

þið munuð því fá tölur frá mér þegar ég hef náð að hrinda líkamanum mínum á réttan farveg


 

knús, amíra 

Var búin að skrifa langa og flotta færslu en hún er bara horfin - hviss búmm bang týnd í hverfulum undirheimum alnetsins!
Jahérna.

Megin inntak færslunnar var þetta:
þrátt fyrir síðustu innblástursfærslu og einlægan ásetning að 'practise what I preached' þá læðist að mér smá pirringur núna þar sem ég er enn 67.3 kíló. Aukin hreyfing með sama mataræði ekki farin að skila sér.
Hugsa að ég verði að leyfa líkamanum mínum að aðlagast breyttu mynstri og halda sama dampi og þá vonandi kemur þetta.
er flesta daga nokkuð ánægð með sjálfa mig útlitslega, og finnst gott að nota hreyfingu sem vopn í baráttu við milt þunglyndi, sem þó er misslæmt. Vil bara fara að SJÁ einvhern árangur líka.
Ætla mér ekki að falla í þá gryfju að banna hitt og banna þetta heldur huga frekar að því að hver einasta máltíð sé skynsamlega samsett. Og þá getur maður notið nammis í hófi með núll í samviskubit.

Ef einhver finnur týndu færsluna mína þá má reyna að koma henni inn ;)

Knús
Músin

Jæja, eftir síðustu færsluna mína hérna inni hef ég tekið þann pakkann á líf mitt að 'practise what you preach'. Það gengur ágætlega, ég fæ minna samviskubit en venjulega þegar ég fæ mér eitthvað girnó og ég nýt þess virkilega að vera í ræktinni. En í dag er ég frústreruð. Ég er ekki búin að léttast neitt í 3 vikur núna, alltaf jafn föst í 67.3 ! ótrúlegt. Ég setti markið á 5 kíló á þessu ári en á þessum hraða þá veit ég barasta ekki... ! Ég er ekki tilbúin í að fara út í einhverjar svakalegar niðurskurðaraðgerðir í mataræðinu, en frekar til í að fókusa á næringargildi þess sem ég borða. Ég hef enn gaman af því að fara í ræktina (bara búin að fara 2x í þessari viku vegna kvefs samt) og ég hefði nú haldið það að auka hreyfingu, en borða samt nákvæmlega eins, myndi hafa eitthvað að segja í jákvæðari átt.
Fjúff, nöldur búið :D

Ég vona að ég hafi áfram ánægju af ræktinni - finn alveg hvað mér líður miklu betur andlega (glími við milt þunglyndi sem er mis-slæmt) sem er auðvitað frábært og aðalástæðan fyrir því að ég er í líkamsrækt yfir höfuð. En núna finn ég að mig langar til að vera aðeins léttari á fæti sjálfrar mín vegna. Finnst ég svo sem líta bara fínt út flesta daga, en lengi má gott bæta ;)

Ég er alveg búin að taka Pepsi Max út, samt. Það var virkilega farið að skekkja alla magastarfsemi hjá mér og ég er enn að jafna mig. Bölvað eitur, þetta aspartam, og fer tvennum sögum af því hvort þetta eigi yfirhöfuð að vera leyfilegt í mat.

Við höfum það sem reglu hérna heima að elda alltaf mat á kvöldin, nema eitthvað virkilega mikið liggi við, og það eru oftast nær mjög vel samsettar máltíðir, með prótíni, grænmeti og kolvetnum. Ég hugsa samt að ég noti helst til mikið af jurtaolíu í matargerð - getur einhver bent mér á eitthvað sniðugt til að nota í staðinn?

Jæja snúllur, búin að pústa, vona að ég geti bætt á teljarann eitthvað í næstu eða þarnæstu viku - því auðvitað er líkaminn að aðlagast breyttu munstri og þvi kannski ósanngjarnt að ætlast til þess að hann skafi af sér allt einn tveir og bingó - gefum þessu 1-2 mánuði kannski ;)

Knús
Músin

Ég er lifandi  ég hef ekki nennt að blogga undafarið, en það hefur heldur ekkert gengið svakalega vel hjá mér, jú sumir dagar eru góðir en var samt að borða nammi 2 í viku, síðasta vika var ágæt, ég borðaði eitt súkkulaði á mánudeginum, þriðjudagurinn var flottur minnir mig og minnir miðvikudagur líka... svo borðaði ég laugardagsnammið á fimmtudeginum og afganginn á föstudeginum... ég borðaði annars hollt fyrir utan það á föstudeginum... laugardeginum borðaði ég hollt og var ánægð með mig, nema fór svo út að borða á veitingastað en borðaði loksins hægt og rólega og leið frábærlega eftir máltíðina útaf því, ekki pakksödd og leið bara vel. Ég borðaði ekkert nammi þann dag held ég. Man ekki með sunnudaginn. Í þessari viku var mánudagurinn kókamjólk, pulsa, kókamjólk og gulrótasneið oooog svo súkkulaðiegg um kvöldið...... á þriðjudeginum var hollt en svo um kvöldið laugardagsnammi fyrirfram, popp og smá bland í poka, miðvikudagurinn var það 1 kókamjólk, heitt kakó og 3 piparkökur... svo já eins og þið sjáið hefur ekki gengið vel en dagurinn í dag verður flottur, hef verið að lesa bók og það hjálpaði mér að koma þessu í gang (byrjaði bara lesa hana í gær eða eitthvað) svo ekkert að marka að það gekk illa á undan. Ég borðaði í gær melónu í kvöldsnarl og var södd eftir hana út kvöldið. Ég ætla ekki borða nammi um helgina. Ég ætla kaupa mikið af ávöxtum. Ég fór í ræktina og sund á þriðjudaginn, gat varla synt af viti (4 ferðir í innilaug) því allar brautirnar voru uppteknar og innilaugin var svo grunn að ég rak hnéð í botninn og áii það var vont lol. Ég fór í göngutúr í gærkvöldi. Ég fór út að hjóla áðan :) svo hreyfingin hefur verið í gangi þó ég sé aldrei lengi, er alltaf bara 15-20 mín að labba eða hjóla, alltof kalt undafarið, vindur og svona. Ég var komin fyrir stuttu í 87,4 kg en er núna 88,3 kg :( en ég er bara allt í einu búin að breytast, leið mjög illa fyrir föstudag og grét en tók mig á á laugardaginn og síðan þá hefur skapið verið nánast fullkomið, brosi meira og þegar ég vigtaði mig og hafði fitnað um ca 1 kg þá í staðinn fyrir að hakka mig niður þá sagði ég, jæja þetta gerist, bara reyna ganga betur núna og vonandi fer það í burtu á einni viku

Dagurinn í dag...


Morgunmatur / hádegismatur : ab mjólk með rúsínum og svo vatnsmelóna
3 kaffi verður : ristað kornabrauð með smjöri og epli, 2 vatnglös og svo eitt mjólkurglas
Kvöldmat : spagettí og vatnsglas
Kvöldsnarl : no idea ;)


Ég er að fara byrja borða hægt og þá líka borða ég minna, fann td í gær að ég borðaði vel yfir daginn og hafði þá bara lyst á einum matardisk í kvöldmat (vön að fá 2 sinnum á diskinn og klára báða á innan við 20 mínútum). Einnig var ég að drekka djús sem er óhollur daglega en núna bara um helgar.



ALDA BJARTSÝNA.

jæja stúlkur!

 

2 mánuðir til stefnu!! og 37.5 kg eftir!

ef við gefum okkur að við séum c.a 10 þá eru þetta 3.75 kg á mann!


 

þetta eru 1.875 kg á mánuði sem við þurfum þá hver að losa okkur við og 0.46 kg á viku!!!!!!! 

 

hvað segið þið!!!

 

getum við þetta?

 

það held ég! 

 

knús, amíra 

Ekki er það nú mikið en jæja.. eitthvað er eitthvað!

-0,5 kg!

Annars missti ég mig aðeins í mataræðinu í gærkvöldi.. .dagurinn var fullkominn þangað til að ég fékk mér eitt stykki marsís!! hahaha jæja.. það er bara að hífa sig upp og halda áfram!

Var mætt klukkan 7:15 í ræktina í morgun! Júhú... mér finnst hrikalega erfitt að vakna svona snemma en ég finn mikinn mun á mér í vinnunni yfir daginn... mikið hressari og orkumeiri einhvernveginn!

Jæja
Þangað til næst!

Sisco

og jafn hress og alltaf :)

Hef ekki bloggað hérna í óratíð.  Datt út úr allri hreyfingu í desember þar sem ég var í prófunum og massa mikið að gera í vinnunni.  Síðan var bara komin 15 des og allt á hvolfi heima og allt eftir fyrir jólin þannig að ég hafði mig bara ekki á á stað i ræktinna.  Síðan bara allt í einu var komin janúar og ég ekki búin að hreyfa mig i yfir mánuð og mataræðið í allgjöru rugli. 
Ég hafði mig loksina á stað um miðjan janúar og vá bara eftir að hafa mætt í tvö skipti þá var ég dottinn í heilsugírinn aftur. 
Þrátt fyrir algjör hreyfingarleysi og að hafa legið í ruglinu þá hefur viktin nánast ekkert hreyfst.  'eg er því alltaf i kringum 58 kg sem er náttla frábært.  Greinilegt að líkaminn er buin að aðlagast því að hafa lést.
Fór í mælingu samt hjá einkaþjálfaranum og samkvæmt hans viktun var ég búin að lettast ca um 1,5 kg síðan í byrjun nóvember og bæta á mig 3 cm um magann en aðrir staðir voru eins. 
Ég er því komin á fullt núna að losa mig við þessa 3 cm hehe og halda áfram að styrkja mig.
Hef aðeins verið að hlaupa og er að vinna í þvi að bæta tímanna mina.  Síðan er nátla markmiðið að halda fitu% undir 20% og gera betur i gær en dag
kveðja SKY

Þrátt fyrir lítið skriferí þá er ég sko á fullu í mínu átaki! :)

Vinkona mín er með mig núna í fjarþjálfun og ég þarf að undirbúa mig andlega á sunnudögum því það er þá sem hún sendir mér nýja lyftingarprógramið fyrir vikuna hahaha...

En hún er búin að senda mér helling af lesefni og ég er búin að sökkva mér í þetta algjörlega.

Ég er alveg svakalega jákvæð í þessu átaki og á ekki í miklum vandræðum með að sneiða hjá óhollustu  (í augnablikinu) og ég vona bara að þessi eldmóður haldist... ég  er bara orðin svo þreytt að sjá bara mun til hins verra á myndum og finna buxurnar þrengjast og þrengjast!

Nú er mælingardagur á miðvikudaginn og verður spennandi að sjá hvaða tala verður! Læt ykkur vita þar sem ég ætla sko að eiga mitt í þessum teljara!!!

Annars er ég hætt að borða brauð (fyrir utan hrökkbrauð), ost og allioli (hvítlauksmajones) en ég fékk ÓGEÐ!! þegar að ég las innihaldslýsinguna á alliolíinu en það er ekki meira né minna en 84 gr fita í 100gr hahahahaha... pælið í því! og þetta hef ég verið að nota út á allt (elska hvítlauk meira en allt)!! ojjj bara! Ekki skrýtið að maður hafi verið að fitna... fékk mér oft grillaða samloku með osti (26% gouda) og alliolísósu! KALORÍUBOMBA!!! hahahaahha shit!

En jæja.. læt ykkur vita með mælinguna á miðvikudaginn! :)

Kveðja
Sisco