Hæ skvísur,

Gengur ekki vel hjá ykkur? :)

Ég er búin að standa mig ágætlega þessa vikuna.
Ekki búin að vera dugleg í bodyrock.tv prógramminu, en ég var að passa hundinn hennar mömmu og fór með hana út að labba flesta daga :)
Og árangurinn er sá að ég er búin að missa 800 grömm þessa vikuna :) Endilega skellið því á teljarann því ég kann það ekki :/

En kíkjum á tölurnar:

Að borða engan skyndibita: 99 % (smakkaði franskar hjá stráknum mínum)
Að drekka bara gos á hátíðisdögum: 100% (Ef bóndadagurinn/afmælisdagur tengdó telst sem hátíðisdagur)
Að hreyfa mig á hverjum degi: 70 %
Að borða ekkert eftir kvöldmat: 100%
Að borða bara súkkulaði á nammidegi: 85%

Þetta er aðeins betra en síðast og ég er komin í 91,4 kg.

Bara mjög sátt með mig, sérstaklega þar sem ég fékk nýja vinnu í vikunni líka :D

Over and out.
Skutla

Jæja stelpur, smá skoðanakönnun.

Hverjar hér eru til í að taka smá auka-átak næstu 6-8 vikurnar?
Veit ekki alveg hvernig það væri hægt að útfæra það beint en mér fyndist gaman að láta það snúast um meira en bara þyngd. Að hafa það kannski bæði kíg farin og fjöldi armbeygja sem við getum gert eða eitthvað svolleiðis?

Hafiði gert eitthvað svona áður?
Vantar bara smá meira rassaspark því ég er ekki með neinn buddy í ræktinni og datt í hug að þetta gæti orðið gaman.

Er þetta eitthvað sem þið eruð spenntar fyrir?

Inga

Jii hvað það er gaman að sjá hvað þið eruð allar orðnar aktívar og duglegar!

Kannski ráðlegt að kynna sig fyrir þeim ykkar sem ég ekki þekki: Hér á síðunni er ég Mjá, og var ein af fyrstu átaksgellunum. Með ykkur léttist ég um 18 kg, hætti að venja komur mínar hingað og bætti á mig 20 kg. Yfir þann tíma, á meðan ég var að bæta á mig aftur, reyndi ég oft að byrja aftur í átaki, ýmist hér á síðunni eða ein míns liðs, en ekkert gekk. Mig skorti eiginlega bara áhuga, get engri kennt um nema sjálfri mér. Reyndi lengi vel að telja mér trú um að ég væri að "bíða" eftir rétta aðilanum til að "hjálpa" mér - fjölskyldumeðlimi/vini til að fara í átak með, nú eða þjálfara sem gæti leyst allt saman fyrir mig og ég þyrfti ekki að hafa fyrir neinu.

Síðastliðið sumar áttaði ég mig loksins á því, að ég þarf að gera þetta sjálf. Þetta getur enginn gert fyrir mig. Í kjölfar þess léttist ég um 10 kg yfir sumarið og haustið, ein míns liðs. Ég tók mér síðan pásu þegar haustið kom og veturinn, en hef gætt þess að halda árangrinum við, þannig að ég hef ekki þyngst síðan í haust, og ég er mjög ánægð með það.

Nú er hins vegar komið að því, að mig langar að ljúka verkinu. Ef ég ætlaði aftur í gömlu þyngdina, þá ætti ég 10 kg eftir, en satt best að segja, þá var ég of grönn þá. Jú jú, ég leit frábærlega út, en fituprósentan var orðin alltof lág og ég var farin að líða fyrir það, líkamlega. Það vil ég vitaskuld ekki, þannig að ég ætla einungis að taka 6 kg í viðbót, ekki 10. Það ætla ég að gera með ykkur, og ég get ekki beðið, enda ekki eftir neinu að bíða!

Ég ætla að reyna að blogga svona annan hvern dag. Það sem ég nota helst til að ná árangri í þessum málum öllum saman, er, eins og áður, bókin "Franskar konur fitna ekki". Það var mikið látið með hana fyrir nokkrum árum, hún virðist svo til gleymd núna, en ég get vottað um það að hún virkar og það með mun minni fyrirhöfn og fórnum en margt annað, sýnist mér á því sem maður sér í kringum sig.

Í grundvallaratriðum, borða hollt og hreyfa sig, en ekki óhóf á neinu. Muna að leyfa sér eitt og annað í mat og drykk, en ekki fara yfir strikið - hvorki í mat né hreyfingu.

Jæja, læt þetta nægja í bili! Mínir vigtunardagar eru laugardagar, og ég stefni á hálft til eitt kíló fyrir næsta laugardag. Hvert er sameiginlega markmiðið okkar núna? Sé að við stefnum í það minnsta á 1. apríl, mér líst vel á það!

Kv.
Mjá. 

Jæja, ég vigtaði mig í morgun og stend í stað...ennþá 92,2 kg og ekkert á teljarann frá mér í þessari viku, því miður :(
En...ég er búin að missa 4 cm. af mittinu síðan fyrir 2 vikum þannig að ég er ekkert ósátt sko ;)

Hér er svo árangur vikunnar...mætti alveg vera miklu betri...svo að ég get gert betur í næstu viku :)

Að borða engan skyndibita: 100%
Að drekka ekki gos: 100%
Að borða bara súkkulaði 1x í viku: 45%
Að hreyfa mig í 30 mín. á dag: 30%
Að borða ekkert eftir kvöldmat: 90%

Ég átti s.s. erfitt með minn mesta veikleika, sem er súkkulaðið, en geri betur í næstu viku :)

Ég byrjaði á 30 daga prógramminu af bodyrocks.tv og líst rosalega vel á það, en það er ekki alveg að virka fyrir mig að gera þetta á kvöldin. Verð að finna betri tíma þar sem ég er ekki eins þreytt og get ekki fundið mér eittvhað annað að gera. Strákurinn minn var lasinn og var að vakna á nóttunni þannig að ég var frekar þreytt í þesari viku, það gæti líka verið ástæðan fyrir hreyfingarleysinu...en, eins og við vitum allar, þá er ástæðan auðvitað bara sú að ég gaf mér ekki tíma í hreyfinguna. Það er ég sjálf sem ákveð hvort ég geri þetta eða ekki, og enginn annar. Geri betur í næstu viku!

Kv. Skutla

Hæ! vá hvað ég er ánægð að sjá líf færast í síðuna okkar :)

ég hinsvegar hef ekkert verið að skrifa því ég hef engan vegin verið að standa mig!! ekki búin að fara í ræktina í meira en viku og búin að leyfa mér allt of mikið miðað við hreyfingarleysi... :( ætla að reyna að taka mér tak og blogga á mánudaginn!

fór allavega í ræktina áðan í smá brennslu, og fann alveg hvað ég er í lélegu formi svo ég ákvað að vera ekkert að pína mig of mikið, frekar að reyna að byrja rólega aftur og koma mér í gírinn!

love
-litlaljósið

Hæhæ

Um daginn þegar ég var í vinnunni fór ein af vinkonum mínum þar að tala um þáttinn biggest loser. Hún hafði verið að horfa á hann. Eftir það fór ég heim og horfði á einn þátt...og svo annan....oooog annan. Klysja? Já kannski. Ég var gjörsamlega föst við tölvuna. Það eina sem ég hugsaði var, fokk hvað þetta fólk er að léttast hratt. Það er að missa kannski allt það sem ég þarf að missa á rúmum 2-3 mánuðum. Hvernig í aandsk*** getur það passað?

Ég veit vel að það er ekki raunhæft markmið en fokkingsfokk hvað ég er að fara að vera hardcore í ræktinni núna. Vantar bara einhvern sem getur mótiverað mig.

Ég er búin að vera að bíða eftir því að kærastinn minn sé tilbúinn í lífstílsbreytinguna síðan við byrjuðum saman. Hann er allt of þungur sjálfur og hefur í raun þyngst mjög hratt á stuttum tíma. Ég get auðvitað ekki ýtt honum út í þetta því hann verður að vera tilbúinn, hann þarf að gera þetta fyrir sjálfann sig. En vá hvað það væri hentugt ef hann væri tilbúinn, þá gæti hann komið með mér í ræktina. Við gætum vigtað okkur saman og passað uppá hvort annað.

Ég hef ekki staðið mig alveg nógu vel í þessari viku, þ.e. hingað til. Ég er ekki með neina sérstaka afsökun enda er maður nú oft bara að leita af afsökunum þegar það gengur ekki nógu vel. Svona til þess að það sé ekki okkur að kenna. Þetta var klárlega mér að kenna.

Ég var mjög hrifin af einkunna systeminu sem ég sá hérna fyrir neðan. Ég ætla að setja það aðeins öðruvísi upp. Ég ætla að gefa mér einkunn frá 1 upp í 7 í hverri viku nema frá 1 upp í 5 fyrir einn hóp.

Það verður:

1. Borðaði hollan mat og reglulega yfir daginn : x/7
2. Borðaði ekkert nammi eða annað slíkt: x/7
3. Drakk ekki gos: x/7
4. Fór í ræktina: x/5

Talan sem kemur í staðinn fyrir x-ið stendur þá fyrir þann fjölda daga vikunnar sem ég stóð við staðhæfinguna.
Ég er spennt fyrir þessu og vona að þetta virki betur þegar ég sé bara einkunn fyrir vikuna svart á hvítu.

Klárlega þess virði að prófa allavega.

Ég var 126,5 kg. síðasta föstudag. Það er lægsta tala sem ég hef séð síðan ég byrjaði þetta átak. Ég veit að hún hefður eitthvað aðeins hækkað en ég reyni að lækka hana aftur fyrir næsta föstudag.

Markmið næstu viku er samkvæmt planinu mínu að vera fyrir neðan 127,5 kg. svo ég hlýt að ná því.

Inga

PS: Ég er orðin alveg háð þessari síðu og eins kjánalega og það hljómar kannski þá opna ég hana oft á dag. Ekki endilega til að gá hvort það sé eitthvað nýtt komið heldur til þess að minna mig á það sem ég er að gera. Til að koma í veg fyrir að ég falli í freistingar.

Þið eruð súper yndislegar og vonandi verðum við fleiri og fleiri með hverri vikunni!

Jæja stelpur 78 dagar til 1.apríl ;)

Ég ákvað að vigta mig á föstudögum... afrakstur sukk jólanna gaf mér 96,5kg á viktina í gærmorgun :/
Það stendur þó allt til bóta ;)

Ég er búin að vera mjög dugleg að fara í ræktina og borða hollt síðustu daga og ætla mér að halda því áfram ;) Ég stefni á að hreyfa mig eitthvað hvern einasta dag! Þó það verði ekki nema göngutúr suma dagana.

Ég er nánast hætt að drekka gos (sem er mikið afrek hjá mér ;) ) og alveg hætt að drekka peppsí max (sem er enn meira afrek ;) )

Ég er búin að setja mér plan í ræktinni sem á vonandi eftir að þvinga mig áfram... á það til að vera "of góð" við mig í ræktinni :S

Ég hef ekki enn getað komið teljaranum okkar inná bannerinn hjá okkur :/ óþolandi! virðist vera einhver bilun í kerfinnu hérna :/

Vona að ykkur gangi vel stúlkur! Því það eru 78 dagar í 1 apríl!!! ;D

kv. AUDI

Ég stóð mig vel í þessari viku, þrátt fyrir veikindi. 1,4 kg farin! :)
Greinilega bjúgsöfnin um jólin, en það er allt í lagi, samt gaman að missa kílóin :D

Það eru 5 atriði sem ég er að gera til að grennast og svona gekk mér með þau:

1. Að borða engan skyndibita: 100%
2. Að drekka ekkert gos: 100%
3. Að hreyfa mig í 30 mínútur á dag: 15% (vegna veikinda)
4. Að borða ekkert eftir kvöldmat: 100%
5. Borða bara súkkulaði á laugardögum: 95%

Að öðru leyti er ég að borða bara venjulegan mat, nema að ég fæ mér próteindrykk í morgunmat og fæ mér bara 1x á diskinn í kvöldmatnum.

Ég ætla að halda áfram á þessari línu og auka hreyfinguna. Mér líst rosalega vel á prógrammið sem AUDI benti á í síðustu færslu. Ég ætla að prófa það þegar ég er alveg laus við slappleikann :)

Kv. Skutla

Jæja stúlkur... nú er ég búin að setja upp nýtt markmið í teljaradagbókina okkar!

20kg fyrir 1.apríl!!! hvernig lýst ykkur á það plan??? ;)
Ef ykkur finnst það of mikið megið þið endilega láta mig vita :)
Við vorum roooosalega nállægt því að ná jólamarkmiðunum! hefðum alveg átt að fara létt með þetta!
Nú rústum við þessu! :D

Ég ætla að reyna að setja myndina í bannerinn eins og hefur verið... í staðin fyrir þetta smarties-drasl! ;) En síðan er búin að vera ferlega leiðileg... ég held áfram að reyna þar til hún leyfir mér það ;)

Nú er bara að bretta upp ermarnar og hrissta af sér spikið og láta gelluna okkar (á teljaranum) fjúka áfram inn vorið ;)

Ég ætla að byrja á að prófa þetta: http://www.bodyrock.tv/category/30-day-challenge-2/
Hefur einhver prófað þetta? Eða vill einhver prófa þetta? Væri nú kannski gaman að fjölmenna í þetta og bera saman niðurstöður ;)

kv. AUDI

Jæja, ég fékk smá sjokk eftir jólin, orðin 93,6 kíló...
Mér finnst ótrúlega svekkjandi að ég náði mér úr 98 kg. í 70 kg.(2005) og er svo búin að bæta næstum öllu á mig aftur.
En ég ætla ekki að velta mér uppúr því, heldur ætla ég að taka þetta föstum tökum.
Nú ætla ég mér að komast niður í 69 kg, á þessu ári, og er búin að setja inn markmiðin mín á undirsíðuna mína.

Skynidibitalaust ár 2012
Við hjónun ákváðum í sameiningu fyrir áramót að árið 2012 verður skyndibitalaust. Ef við gleymum að taka úr frysti eða náum ekki að elda þá verður bara keypt skyr eða gert eggjabrauð eða eitthvað þannig. Engar afsakanir fyrir skyndibita eru leyfilegar!

Og hér eru nokkrir punktar sem við ætlum að fara eftir líka:
Gosdrykkir eru til að fá sér til hátíðabrigða, t.d. afmæli, jól og páska, og helgar eru ekki hátíðir!
Súkkulaði er ótrúlega fitandi og minn helsti veikleiki, þannig að það verður aðeins leyfilegt á nammidegi, 1x í viku.

Ég ætla að auki að byrja á að hreyfa mig í minnst 30 mínútur á dag. Kortið í ræktina er runnið út og ég hef ekki efni á að fá mér nýtt kort, þannig að ég ætla að taka C25K prógrammið og labba þá daga sem ekki er skokkað. 
Svo ætla ég að sleppa því að narta í eitthvað eftir kvöldmat.

Vigtunardagarnir mínir eru á föstudögum þannig að ég ætla að reyna að blogga hérna á þeim dögum, um leið og ég set inn tölurnar mínar.

Gangi ykkur öllum vel!

Baráttukveðjur, Skutla :)

vika búin af nýja árinu og ég hef nýtt hana í að borða.. og borða.. og smá meiri mat..

en núna er ég komin með ógeð!! tók síðasta ógeðisdaginn í gær og það er fresh start í dag :)

er að fara í mælingar í kvöld, fitumælingu og fl. svo er það bara harkan á þetta.. er búin að kaupa mér kort í ræktina, gerði það á gamlársdag en er ekki enn búin að koma mér þangað!

steig á vigtina áðan og hún sýndi 62.8kg.. og ég sem var svo nálægt því að komast undir 60 fyrir stuttu síðan :(
finn líka að ég er með rosalegan bjúg eftir snakkát og fleira, puttarnir alveg bólgnir og fínir :/

ég var að spá hvort við ættum allar að velja okkur allavega einn-tvo bloggdaga á viku, svo það verði kannski reglulegri hreyfing hér á síðunni, hvernig lýst ykkur á það?

kv Litlaljósið :)

Jæja stelpur nú hlýtur að vera kominn tími á nýtt markmið. Það vantar hins vegar eitt áður en við getum sett okkur nytt markmið og það er að vita hvað við verðum sirka margar. Ég trúi ekki að við verðum bara tvær ég og litla ljós.

Endilega kommentið ef þið ætlið að vera með núna eftir áramót þannig að við getum sett okkur marmkið. Ég er svo spennt að byrja almennilega aftur að keppast um það að láta gelluna hlaupa um bannerinn okkar :)

Inga